Tēnā koe mō tō manawanui.
Tēnā koutou katoa,
Tēnei te whakapāha mō ngā tōmuritanga me te muhumuhu pea i pā mai ki a koe.
E panonitia ana Te Kooti Whenua Māori i ēnei tau kua pahure ake nei. I tīmata mā te whakarerekē i te ture i te Pepuere 2021, te āhua o tā mātou tukatuka i ngā tono i te paunga o te tau 2022, me te whakarewa i tā mātou tomokanga tuihono, te Pātaka Whenua, i tēnei tau. I te taha o ēnei huringa, i nui ake ngā tono ki a mātou, ngā pānga o te KOWHEORI-19, me te nui ake o te mutumutu o ngā kaimahi, i tōmuri ai tā mātou whakautu i ngā uiui me te tukatuka i ō tono.
Ko tā mātou whāinga kia pai ake tā mātou mahi māu mā ēnei huringa me ngā hangarau hou. Kua tino whāia e mātou te neke ki tētahi pūhara matihiko, ā, ko mātou te mana whakahaere tuatahi i Aotearoa kia matihiko katoa ā mātou whakahaere. Mā te hangarau hou ka taea e koe te tuku tuihono ngā tono me ngā uiui, te kimi mapi, me ngā mōhiohio rangatiratanga o te whenua ahakoa kei hea koe.
E pūmau ana mātou ki te whakapai ake i ā mātou mahi mā te nui ake o ngā whakangungu, te whakatika rerekētanga, me te whakaōrite i ngā hātepe. Hei āwhina i a koe, kua hangaia e mātou ngā aratohu hou hei āwhina i a koe ki te wherawhera i te Pātaka Whenua.
Ngā mihi mō tō manawanui, i a mātou e whakatutuki i ngā whakapaitanga, he mea nui ki a mātou tērā.
Mēnā e hiahia ana koe ki te kōrero mai ki a mātou kanohi ki te kanohi, tēnā haere atu ki ā mātou tari ā-rohe, ka tino ngana ā mātou kaimahi ki te āwhina i a koe me tō uiui.
Nā mātou,
Te Kooti Whenua Māori.